Expressbank olaraq “Yaşıl dünya naminə həmrəylik ili” münasibətilə başlatdığımız “Təbiətə qayğı – Gələcəyə miras” korporativ sosial məsuliyyət layihəsi çərçivəsində silsiləvi ekoloji aksiyaların icrasına başladıq.
Belə ki, bu il ölkəmizin BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına ev sahibliyi etməsinə həmrəylik ifadəsi olaraq Expressbank əməkdaşlarının iştirakı ilə ağacəkmə aksiyası keçirilib.
Layihənin keçirilməsində məqsəd bank əməkdaşlarını yaşıl gələcəyin bünövrəsinin qoyulması ideası ətrafında toplayaraq dövlətimizin tutduğu mövqeyə dəstəyi ifadə etməkdir. Layihə çərçivəsində paytaxtın ən hərəkətli yollarından biri olan Salyan şosesinin yolkənarı ərazisində 300 ədəd Eldar şamı ağacı əkilib. Aksiyanın həyata keçirilməsinə BŞİH əməkdaşları da dəstək göstəriblər.
Video: https://bit.ly/4fni5C9
Qeyd edək ki, Expressbank ASC bundan öncə Ümummilli lider Heydər Əliyevin 100 illik yubileyi münasibətilə Ekologiya və Təbii Sərvətlər Nazirliyinin təşkilatçılığı ilə baş tutan ağacəkmə aksiyasında da fəal iştirakı ilə fərqlənmişdi.
Lisenziya №119, 30.12.1992, AR MB. Bakı şəh., Y.V.Çəmənzəminli küç., 134C.
“Expressbank” – İşiniz rahat getsin!