Beynəlxalq reytinq agentliyi “Fitch” Rusiya banklarının uzunmüddətli defolt reytinqini azaldıb. Rusiya və Ukrayna arasında davam edən gərginlik səbəbindən bankların güclü təzyiq altında qalması risk faktorunun artmasına gətirib çıxardığından 32 bank “Rating Watch Negative” (RWN) statusuna gətirilib.
Reytinqi endirilən bankların siyahısına “Gazprombank”, “Home Credit”, “Alfa Bank”, “Sberbank”, “Tinkoff Bank” kimi nəhəng banklar da daxildir.
“Fitch” reytinq agentliyi bankçılıq sektorundan savayı, “Aeroflot”, “Rosseti”, “RusHydro”, “Rostelekom”, “Yandex” kimi bir sıra digər nəhəng şirkətlərin də reytinqini azaldıb.
Məlumat üçün qeyd edək ki, “Fitch” Rusiya Federasiyasının kredit reytinqini “BBB” səviyyəsindən “B” səviyyəsinə, “Moody’s” “Baa3” səviyyəsindən “B3” səviyyəsinə, Standart & Poor’s (S&P) isə “BB+” səviyyəsindən “CCC-“ səviyyəsinə endirib.