Hindistanda avqust ayında əsrin ən quru hava şəraitindən dolayı ərzağın qiymətləri 11%-dən çox artım nümayiş etdirib. Adıçəkilən ölkə qlobal kənd təsərrüfatı ticarətində əsas oyunçulardan biridir.
BBN.az BBC Business-ə istinadən xəbər verir ki, Beynəlxalq Ərzaq Siyasəti Araşdırma İnstitutunun məlumatına əsasən xüsusilə artım düyü, şəkər və soğanda olub. Son onilliklər ərzində Hindistan dünyada düyü ixracına əsasən ən böyük ixracatçılardan biridir və birinci yerdə qərarlaşıb. Bazarın 40%-ni tutur, eyni zamanda şəkər və soğan ixracına görə dünyada ikincidir.
Qeyd edək ki, daha öncə Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) məlumatına əsasən düyünün qiymət indeksi iyulda 2.8%-ə qədər yüksəlib. Bu isə 2011-ci ilin sentyabrından bu yana ən yüksək artım hesab edilir.