İBF Forumunun (International Business Forum) vitse-prezidenti Qazi Mısırlı və Türkiyənin Müstəqil Sənayeçi və İş Adamları Dərnəyinin (MUSİAD) nümayəndələri Kiçik və Orta Biznesin İnkişafı Agentliyində (KOBİA) olublar.
KOBİA-nın İdarə Heyətinin sədri Orxan Məmmədovla keçirilmiş görüşdə bu ilin noyabr ayında Bakıda keçiriləcək 25-ci İBF Forumuna hazırlıq işləri və tədbirin təşkilinə dair qarşılıqlı maraq doğuran məsələlər müzakirə edilib, forumun Azərbaycan və Türkiyə arasında biznes əməkdaşlığının genişləndirilməsinə, eləcə də biznes nümayəndələrinin iştirakı ilə çoxtərəfli biznes platformanın formalaşdarılmasına öz töhfəsini verəcəyi vurğulanıb.