Beynəlxalq Enerji Agentliyi (IEA) Azərbaycanda 2025–2030-cu illər ərzində gündəlik neft və digər maye karbohidrogenlərin hasilatı ilə bağlı yeni proqnoz açıqlayıb.
BBN.az xəbər verir ki, bu proqnoz qurumun “Oil 2025: Analysis and forecast to 2030” adlı hesabatında yer alıb.
Hesabatda qeyd olunur ki, 2025-ci ildə ölkədə gündəlik hasilatın 590 min barel olacağı gözlənilir. Növbəti illərdə isə bu göstəricidə müəyyən dəyişikliklər baş verəcək. Belə ki, 2026-cı ildə hasilat 620 min barelə qədər artsa da, sonrakı illərdə azalma müşahidə olunacaq. 2027-ci ildə gündəlik hasilatın 600 min, 2028-ci ildə 580 min, 2029-cu ildə 560 min, 2030-cu ildə isə 550 min barel səviyyəsində olacağı proqnozlaşdırılır.
Bu rəqəmlər Azərbaycanın neft və maye karbohidrogen hasilatında yaxın illərdə tədricən azalma tendensiyasının olacağını göstərir.