İqtisadi İslahatların Təhlili və Kommunikasiya Mərkəzində (İİTKM) “Azərbaycan Respublikasının 2022–2026-cı illərdə sosial-iqtisadi inkişaf Strategiyası” çərçivəsində Azərbaycan Respublikasının Mərkəzi Bankının nümayəndələri ilə tematik görüş keçirilib.
İİTKM-in icraçı direktorunun müavini Ayaz Museyibov Strategiyada nəzərdə tutulmuş tədbirlərin effektiv, tam və vaxtında icrasını təmin etmək üçün həyata keçirilən işlərdən danışıb.
Azərbaycan Respublikası Mərkəzi Bankının Strategiya və layihə idarəetməsi departamentinin direktoru Fuad Cəfərov isə “Maliyyə resurslarına çıxışın artırılması” fəaliyyətinə daxil olan tədbirlər üzrə hədəf göstəricilərin icrası ilə bağlı görülmüş işlər, qarşıda duran məsələlərə dair məlumatlar təqdim edib.
Görüşdə həmçinin bank aktivlərinin və kredit resurslarının sosial-iqtisadi inkişafa təsirləri və iqtisadi aktivliyə töhfəsi ilə bağlı məlumatların indikativ planlaşmalarda nəzərə alınması ilə əlaqədar fikir mübadiləsi aparılıb.