İpoteka və Kredit Zəmanət Fondu (İKZF) tərəfindən indiyədək 59 216 borcalana ümumilikdə 4 milyard 338 min manat kredit verilib.
BBN.az xəbər verir ki, bu barədə İKZF məlumat yayıb.
Bundan əlavə, Fond tərəfindən 9 657 mənzil kirayə vermək yolu ilə realizə edilib.
Qeyd edək ki, İKZF 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşdirilməsi nəticəsində yaradılıb və həmin qurumların hüquqi varisidir.
Fond milli maliyyə institutlarına uzunmüddətli subsidiyalaşdırılmış ipoteka kreditlərinin təqdim edilməsi, eləcə də ucuz maliyyə resurslarına çıxışın təmin olunması məqsədilə likvidlik dəstəyi göstərən dövlət agenti kimi fəaliyyət göstərir.