Bu il 01 noyabr tarixinə ölkədə vaxtı keçmiş kreditlərin məbləği 646 milyon manat təşkil edib.
Azərbaycan Mərkəzi Bankının yaydığı məlumata əsasən bu göstərici 01 oktyabrın tarixiylə müqayisədə 0,5 % azdır.
Ölkədə problemli kreditlər ilin əvvəlinə nisbətən 10,2 % azalıb.
Bundan əlavə 01 noyabr tarixinə ölkədə vaxtı keçmiş kreditlərin ümumi kredit portfelində xüsusi çəkisi 3,2 % təşkil edib. Bu nisbət 01 oktyabr tarixinə 3,3 %, ötən ilin sonuna 4,2 % olub.