International Monetary Fund-ın (IMF) məlumatına görə, Böyük Britaniya bu il dünyanın ən pis performans göstərəcək əsas iqtisadiyyatlarından biri olacaq.
BBN.az xəbər verir ki, BBC nəşrinin yazdığı məlumata əsasən Böyük Britaniya iqtisadiyyatının 2023-cü ildəki performansı, sanksiyalardan əziyyət çəkən Rusiyanın da daxil olduğu G20 kimi tanınan 20 ən böyük iqtisadiyyat arasında ən pisi olacaq. IMF İngiltərə iqtisadiyyatının bu il daralacağını proqnozlaşdır, lakin bu proqnoz təşkilatın yanvarda verdiyi əvvəlki 0,6% daralma gözləntisindən bir qədər yaxşıdır. Təşkilat, həmçinin qlobal maliyyə sistemi üçün “daşlı yol” barədə xəbərdarlıq edib.
IMF tədqiqatçıları daha əvvəl Britaniyanın yüksək qaz qiymətlərinə məruz qalmasını, artan faiz dərəcələrini və zəif ticarət rəqəmlərini, pis iqtisadi göstəricilərin səbəbləri kimi göstərmişdilər.
Hazırda Böyük Britaniya öz iqtisadiyyatının 2023-cü ildə 0,3% azalacağını və gələn il 1% artacağını gözləyir. İngiltərə Mərkəzi Bankının rəhbəri Andrew Bailey də bu yaxınlarda iqtisadiyyat üçün “daha ümidli” olduğunu və vəziyyətin artıq tənəzzülə doğru getmədiyini söyləyib.