İngiltərədə işsizlik səviyyəsi 1974-cü ildən bəri ən aşağı səviyyəyə düşüb, iyul ayına qədər olan 3 ayda 3.6% olub. Milli Statistikalar Komitəsindən bildirilib ki, qeyd olunan dövr ərzində məşğulluqda olan insanların sayı 40.000 artıb. Lakin bu yüksək maaşların da olduğu mənasına gəlmir. Yəni, inflyasiya fonunda maaşlar yavaş inkişaf edib.
BBN.az Sky News-a istinadən xəbər verir ki, daimi ödənişlər, bonuslar istisna olmaqla bu dövr ərzində 5.2% artıb.
Lakin inflyasiya nəzərə alındıqda real əmək haqqı 3.9% enib. KPMG-də baş iqtisadçı çalışan Yael Selfin isə deyib ki, məşğulluğun artmasına baxmayaraq, həftəlik iş saatları əvvəlki rüb ilə müqayisədə azalıb, nəticədə orta iş saatı enib.