İnnovasiya və Rəqəmsal İnkişaf Agentliyinin “Technest” Təqaüd Proqramı çərçivəsində cəzaçəkmə müəssisəsində yetkinlik yaşına çatmayan 15 gənc İKT sahəsi üzrə məzun olub.
“Technest”in təhsil sahəsində cəmiyyətə verdiyi töfhəsi gənclərin bu qrupu üçün də əlçatan olub.
Bu səbəbdən “Technest” Ədliyyə Nazirliyi ilə birgə təlimlər təşkil edilib.
Təlimlərdə “IT helpdesk” mütəxəssisi olaraq yetişdirilən gənclər azadlığa çıxdıqdan sonra cəmiyyətə daha sürətli adaptasiya ola biləcək.
Qeyd edək ki, beynəlxalq araşdırmalara əsasən, həbsxanada olarkən təhsil proqramlarından faydalanmış məhbusların azadlığa çıxdıqdan sonra həbsxanaya qayıtma ehtimalı daha az olur.