Yarımkeçiricilər hər şeydir. Bizim telefon, laptop, televizorlarımız, hətta avtomobillərimiz ondan təşkil edilib. Gözlənilən qlobal iqtisadi tənəzzül, son 2 ildə pandemiyadan qaynaqlanan, Asiyada bir çox şirkətlərin qapanmasından dolayı təchizat qıtlığı TOP çip şirkətlərinə zərbə vurur.
BBN.az CNN Business-ə istinadən xəbər verir ki, 2022-ci ildə Intel-in səhmləri (INTC) 45% enib, bu isə onu Dow-un (ABŞ-da 30 ən məşhur şirkətin yer aldığı stok market-red.) ən böyük uduzanı edir.
Düzünə qalsa, Intel çətinlik ilə üzləşən yeganə çip istehsal edən şirkət deyil. Bazarın digər rəqibləri Nvidia (NVDA) və AMD (AMD) hər ikisinin səhmləri 50%-dən çox enib. Təchizat qıtlığı ilə bağlı narahatlıqlar və iqtisadi inkişafın sürətlə aşağı enməsinə dair qorxular bütün daxili bazara təsir edir. Wall Street-də (dünyanın ən böyük stok marketidir-red.) SOX kimi tanınan Filadelfiyanın Yarımkeçirici İndeksi 2022-ci ildə təxminən 40-ə yaxın enib. Lakin Intel uzunmüddətli aşağı enməyə görə rəqiblərindən seçilir və hazırda səhmləri 2016-cı ilin mayından bu yana ən aşağı səviyyədə ticarət edilir.
İnvestorlar isə ümid edir ki, 2021-ci ildə yeni baş icraçı direktor (CEO) vəzifəsinə gətirilən Pat Gelsinger işləri yoluna qoyacaq və investorlar bunun üçün ona ola bilsin ki, daha çox vaxt versinlər.