Kaliforniya mərkəzli texnologiya nəhəngi “Intel” korporasiyasının investisiyalar üzrə törəmə qurumu “Intel Capital” cari ildə texnologiya investisiyalarına 300 milyon dollardan artıq vəsait yatıracağını açıqlayıb. Büdcədə isə, bu vəsaitin maksimal 500 milyon dollara qədər genişləndirilə biləcəyi vurğulanıb.
244.5 milyard dollarlıq bazar kapitalizasiyasına malik olan şirkət süni intellekt sahəsində fəaliyyət göstərən 11 startapa 132 milyon dollar həcmində maliyyə vəsaiti ayıraraq investisiya portfelini genişləndirib. Bu startaplara Astera Labs, Axonne, Hypersonix, KFBIO, Lilt, MemVerge, ProPlus Electronics, Retrace, Spectrum Materials, Xsight Labs ilə yanaşı, “Fortune 500” şirkətlərinə süni intellekt vasitəsilə avtonom biznes monitorinqi və data analitikası xidmətləri təklif edən “Anodot” da daxildir.