Azərbaycan Respublikası Vəkillər Kollegiyası (Kollegiya) ilə Azərbaycan Banklar Assosiasiyası (ABA) arasında 18 oktyabr 2022-ci il tarixində imzalanmış qarşılıqlı əməkdaşlığa dair Memoranduma əsasən, iki qurum arasında müxtəlif mövzularda müzakirələrin və konstruktiv dialoqun baş tutması, əməkdaşlıq istiqamətlərinin genişləndirilməsi və ABA-nın müvafiq Ekspert Qruplarının Kollegiyanın Biznes Hüququ Komitəsi ilə koordinasiyalı şəkildə fəaliyyətin təşkili məqsədi ilə yaradılmış İşçi Qrupunun onlayn iclası keçirilmişdir.
İclas zamanı tərəfləri maraqlandıran məsələlər, gələcəkdə görülək işlər və birgə əməkdaşlığın faydası haqqında müzakirələr edilmiş, fikir mübadiləsi aparılmış.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 2 qeyri-bank kredit təşkilatı, 4 digər təşkilat olmaqla, ümumilikdə 28 təşkilat ABA-nın üzvüdür.