İsveçrə Milli Bankı (SNB) sentyabrın 25-də keçirdiyi toplantıda əsas faiz dərəcəsini sıfır səviyyəsində saxlayacaq və iqtisadçılara görə bu siyasət 2026-cı ilin sonunadək davam etdiriləcək.
BBN.az xəbər verir ki, bu barədə “Reuters” agentliyinin keçirdiyi sorğuda iqtisadi təhlilçilərin əksəriyyəti belə proqnoz verib.
Səbəblər sırasında inflyasiyanın hədəfdə qalması, valyutanın sabitliyi və artıq SNB-nin əsas mərkəzi banklar arasında ən aşağı dərəcəyə sahib olması göstərilir.
Ekspertlərə görə, inflyasiya zəif də olsa tədricən artır, lakin bu, əlavə faiz artırımı üçün kifayət qədər güclü siqnal deyil. Qeyd edək ki, SNB 2014–2022-ci illərdə mənfi faiz siyasəti tətbiq etmişdi, lakin bu dövr artıq arxada qalıb.