Jeff Bezosun keçmiş həyat yoldaşı, milyarder, xeyriyyəçi MacKenzie Scott son 7 ayda ümumilikdə 343 təşkilata (aşağı gəlirliliyi olan insanlara kömək edən xeyriyyə qurumlarına-red.) təxminən 2 milyard dollar maliyyə yardımı edib.
BBN.az Business Insider-ə istinadən xəbər verir ki, o, bu haqda özünün bloq postunda qeyd edib.
Ümumilikdə isə 2019-cu ildən bu yana “Giving Pledge”-yə imzaladıqdan sonra 14.5 milyard dollar öz sərvətindən xeyriyyə yardımı üçün ayırıb. Adıçəkilən müqaviləyə imza atdıqdan sonra isə o, ABŞ-ın aparıcı xeyriyyəçilərindən biri olub.
Qeyd edək ki, Bloomberg-in milyarderlər indeksinə görə, hazırda Scott-un şəxsi sərvətinin həcmi 23.2 milyard dollardır. 2019-cu ildə Bezosdan ayrıldıqdan sonra o milyarder olub və buna səbəb isə onun Amazon-da 3%-lik səhmdir.