Azərbaycan Respublikasının Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov və Malayziyanın ölkəmizdəki fövqəladə və səlahiyyətli səfiri Dato Yubazlan Bin Yusof arasında onlayn görüş keçirilib.
Görüşdə pandemiya dövründə ölkəmizdə kiçik və orta sahibkarlıq subyektlərinə göstərilən dövlət dəstəyi tədbirləri, KOB-ların mövcud şəraitdə üzləşdiyi çətinliklər, biznes assosiasiyaların ehtiyacları, KOB-ların maliyyə imkanlarına çıxışının yaxşılaşdırılması və bu istiqamətdə KOBİA-nın fəaliyyəti müzakirə olunub.
Onlayn görüşdə Malayziyada kiçik və orta sahibkarlıq subyektləri üçün bir çox maliyyə mexanizmlərinin səmərəli fəaliyyət göstərdiyi vurğulanıb, onlardan bir neçəsinin, xüsusilə də alternativ maliyyəlşmə sahəsində mexanizmlərin ölkəmizdə tətbiqi imkanlarına dair fikir mübadiləsi aparılıb, bu istiqamətdə birgə tədbirlərin görülməsi barədə razılığa gəlinib.