Bakıda Azərbaycan Respublikası ilə Moldova Respublikası arasında iqtisadi əməkdaşlıq üzrə birgə Hökumətlərarası Komissiyanın 4-cü iclası keçirilib.
İclasda çıxış edən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Agentliyin sahibkarlara göstərdiyi dəstək və xidmətlər barədə məlumat verib, KOBİA-nın təcrübə mübadiləsi, biznes şəbəkələri arasında tərəfdaşlığın gücləndirilməsi kimi istiqamətlərdə Moldova ilə əməkdaşlığa hazır olduğunu bildirib. Qeyd olunub ki, KOBİA Moldova Ticarət və Sənaye Palatası da daxil olmaqla, təcrübəsini və uğur hekayələrini moldovalı həmkarları ilə bölüşməyə hazırdır. Biznes şəbəkələri arasında əməkdaşlığın genişləndirilməsinə ehtiyac var və bu məsələ KOBİA-nın gündəmindədir. Biznes nümayəndələrinin qarşılıqlı səfərləri bu baxımdan əhəmiyyətli ola bilər.