Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Ukraynanın Sahibkarlıq və İxracın Təşviqi Ofisinin direktoru vəzifəsini icra edən Andrii Remizovla görüşüb.
Görüşdə KOBİA sədri ölkəmizdə KOB-ların inkişafı, onlara göstərilən dövlət dəstəyi barədə məlumat verib, KOB-lara xidmətlərin göstərilməsi sahəsində xarici ölkələrin təcrübəsinin öyrənilməsinin Agentliyin diqqət mərkəzində olduğunu vurğulayıb.
Görüşdə iki qurumun fəaliyyət istiqamətlərinə və sahibkarlara göstərdikləri dəstək və xidmətlərə, eləcə də KOB sahəsində mümkün əməkdaşlıq imkanlarına, birgə layihələrin icrasına və təcrübə mübadiləsinə dair müzakirələr aparılıb.