Texnologiya nəhəngi “Google” koronavirus pandemiyası dövründə istifadəçilərinin hərəkət trayektoriyaları ilə bağlı məlumatları nəşr edəcək. “Community Mobility Reports” adı altında yayımlanan bu hesabatların əsas məqsədi koronavirusla mübarizədə dövlət və səhiyyə rəsmilərinə dəstək olmaqdır.
Aprel ayında yayımlanmağa başlayan bu hesabatlar özündə ölkə vətəndaşlarının karantin şəratinindəki hərəkətlərini və daha çox hansı məkanlara getdiklərini cəmləşdirir və davamlı olaraq yenilənir. Həmçinin, pandemiyadan əvvəlki vəziyyətin göstəriciləri ilə dəyişiklikləri də nümayiş etdirir.
Qeyd edək ki, özündə 131 ölkə və regionun məlumatlarını cəmləşdirən bu hesabatlarda hələ ki, Azərbaycan qeyd olunmayıb.