Zaminlik çox zaman sadə bir formal prosedur kimi qəbul edilsə də, əslində ciddi hüquqi və maliyyə öhdəliyi yaradır. Borcalan kredit üzrə öhdəliklərini yerinə yetirmədikdə, borcun ödənilməsi zamindən də tələb oluna bilər.
Bu barədə Azərbaycan Mərkəzi Bankının hüquq məsləhətçisi Fidan Hacızadə AzTV-yə müsahibəsində danışıb.
Zamin olmadan əvvəl müqavilə şərtlərini diqqətlə oxumaq, kreditin məbləğini, faizlərini, ödəniş qrafikini və mümkün riskləri əvvəlcədən qiymətləndirmək vacibdir.
Unutmayın: zaminlik yalnız etibar məsələsi deyil, həm də gələcək maliyyə imkanlarınıza və kredit tarixçənizə təsir edə biləcək məsuliyyətdir.