Azərbaycandakı kredit ittifaqları bu ilin yanvar-sentyabr aylarını 0,1 milyon manat xalis mənfəətlə yekunlaşdırıb. Halbuki, sektor ötən ilin eyni dövründə 0,5 milyon manat zərərlə fəaliyyət göstərmişdi. Azərbaycan Mərkəzi Bankının (AMB) məlumatına əsasən, bu, kredit ittifaqlarının maliyyə nəticələrində müsbət dönüşü göstərir.
Hesabat dövründə:
• gəlirlər 1,7 milyon manat olub (illik 6,3 % azalma)
• xərclər 1 milyon manat səviyyəsində qalıb
• xüsusi ehtiyatlara ayırmalar 0,6 milyon manat təşkil edib (2 dəfə azalma)
• mənfəət vergisi ödənişləri olmayıb
Oktyabrın 1-nə kredit ittifaqlarının aktivləri 13 milyon manat olub ki, bu da 1 il əvvələ nisbətən 2,4 % çoxdur. Aktivlərin 11,1 milyon manatı müştərilərə verilmiş xalis kreditlərdir. Kredit portfeli son bir ildə 1,8 % genişlənib.
Sektorun öhdəlikləri 18,2 % azalaraq 2,7 milyon manata düşüb, balans kapitalı isə 9,6 % artaraq 10,3 milyon manata yüksəlib.