Azərbaycan Mərkəzi Bankı (AMB) “PulPal” MMC-nin vəzifəli şəxsinə 1 000 manat məbləğində inzibati cərimə tətbiq edib.
Qərar qurum tərəfindən həyata keçirilən cari nəzarət tədbirləri çərçivəsində aprel ayında aparılmış plandankənar yoxlama zamanı müəyyən olunmuş pozuntular əsasında qəbul edilib. Belə ki, yoxlama müddətində yoxlayıcıların lazımi texniki imkanlarla təmin edilməməsi və əməliyyatlar barədə dolğun məlumatların təqdim olunmaması faktları aşkar edilib.
Nəticədə, İnzibati Xətalar Məcəlləsinin 602.4-cü maddəsinə əsasən, “PulPal” MMC-nin vəzifəli şəxsi 1 000 manat məbləğində cərimələnib.