Azərbaycan Mərkəzi Bankının (AMB) İdarə Heyəti (İH) uçot dərəcəsinin 0,25 faiz bəndi artırılaraq 7.25%-dən 7.5%-ə çatdırılması barədə qərar qəbul edib.
BBN.az xəbər verir ki, bu barədə məlumatı qurumun sədri Elman Rüstəmov keçirdiyi onlayn mətbuat konfrasında verib.
Onun sözlərinə görə, faiz dəhlizinin aşağı həddi 6% saxlanılıb, yuxarı həddi isə 8.25%-dən 9%-ə çatdırılıb.
Qərar bu gündən qüvvəyə minir. AMB-nin İH-nin faiz dəhlizinin parametrləri barədə növbəti qərarı mart ayının 18-nə təsadüf edəcək.