29 Sentyabr – Ümumdünya Ürək Günü münasibətilə Mərkəzi Bankın əməkdaşları üçün sağlam həyat tərzinin təşviqinə həsr olunmuş maarifləndirici seminar təşkil olunub.
Seminarda iştirakçılara ürək-damar xəstəliklərinin yaranma səbəbləri, risk amilləri və onların qarşısının alınması yolları haqqında uzman həkim tərəfindən ətraflı məlumat təqdim olunub, sağlam qidalanma və fiziki aktivliyin ürək sağlamlığının təmin olunmasında əhəmiyyəti vurğulanıb.
Seminar zamanı əməkdaşlar ürək sağlamlığına xidmət edən addımları qeyd edərək özlərinə sağlamlıq fəaliyyətlərinə dair yol xəritəsi hazırlayıb. Qeyd edək ki, Mərkəzi Bank əməkdaşlarının sağlamlığına və rifahına xüsusi önəm verir. Bu istiqamətdə həyata keçirilən “Gümrah Əməkdaş” layihəsi çərçivəsində mütəmadi olaraq məlumatlandırıcı sessiyalar və sağlamlıq təşəbbüsləri təşkil olunur.