Aprelin 4-də Mərkəzi Bankın əməkdaşları Azərbaycan Dövlət İqtisad Universitetinin (UNEC) tələbələri ilə görüşüb. Görüşdə Mərkəzi Bankın fəaliyyətinə, eləcə də tələbələrə uğurlu karyera qurmaqda faydalı olacaq məqamlara dair məlumatlar paylaşılıb.
Mərkəzi Bankın əməkdaşları “Maliyyəçisən” Təcrübə Proqramı barədə ətraflı məlumat təqdim edərək tələbələrin suallarını cavablayıblar.
Görüşün yaddaqalan məqamlarından biri isə “Maliyyəçisən” Təcrübə Proqramının ötənilki məzununun tələbələr ilə öz təcrübəsini bölüşməyi olub.
Xatırladaq ki, hazırda “Maliyyəçisən” Təcrübə Proqramında iştirakla bağlı müraciətlərin qəbulu davam etməkdədir. Proqram barədə ətraflı məlumatla rəsmi saytdan https://shorturl.at/dgZ67 tanış ola bilərsiniz.