Macarıstanın ölkəmizdəki fövqəladə və səlahiyyətli səfiri Viktor Szederkenyi Azərbaycan Respublikasının Kiçik və Orta Biznesin İnkişafı Agentliyində (KOBİA) olub.
KOBİA-nın İdarə Heyətinin sədri Orxan Məmmədovla keçirilmiş görüşdə Azərbaycan və Macarıstan arasında KOB sahəsində əməkdaşlığa, bu sahədə birgə tədbirlərin keçirilməsinə, hər iki ölkənin KOB-ları arasında əlaqələrin genişləndirilməsinə, eləcə də Azərbaycan Respublikası Hökuməti və Macarıstan Respublikası Hökuməti arasında iqtisadi əməkdaşlıq üzrə Birgə Komissiyanın növbəti iclası çərçivəsində Macarıstanın müvafiq qurumları ilə görüşlərin təşkilinə dair müzakirələr aparılıb.