Azərbaycanda maliyyə icarəsi fəaliyyətini tənzimləyəcək yeni qanun layihəsi hazırlanıb.
“Maliyyə icarəsi haqqında” qanun layihəsi bu gün Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılıb.
Məlumata görə, layihə 5 fəsil və 25 maddədən ibarətdir. Qanun maliyyə icarəsi fəaliyyətinin inkişafı və təşviqi, həmçinin iqtisadi artımda rolunun gücləndirilməsi məqsədi daşıyır.
Eyni zamanda, sənəd bu sahədə fəaliyyətin hüquqi əsaslarını, eləcə də tənzimləmə və nəzarətin hüquqi, təşkilati və iqtisadi mexanizmlərini müəyyən edəcək.