20 avqust 2024-cü il tarixində Bakı Fond Birjasında Maliyyə Nazirliyinin Kuponlu, Dövlət Ortamüddətli İstiqrazları (DOİ) üzrə hərrac keçiriləcəkdir. Hərrac zamanı sifarişlərin toplanması BFB-nin ticarət reqlamentinə uyğun olaraq saat 10:00-dan 11:00-dək təşkil olunacaqdır.
İstiqrazların buraxılış parametrləri barədə məlumat aşağıdakı cədvəldə verilmişdir:
|
Dövlət istiqrazının növü |
Kuponlu, ortamüddətli, dövlət istiqrazları |
|
Qiymətli kağızın ISIN kodu |
AZ0201070213 |
|
Buraxılış həcmi |
60.000.000 (altmış milyon) manat |
|
Nominal dəyəri |
100 (bir yüz) manat |
|
İstiqrazların tədavül müddəti |
728 gün |
|
Faiz ödənişləri |
18 fevral 2025, 19 avqust 2025, 17 fevral 2026, 18 avqust 2026,
|
|
Faiz dərəcəsi (olduqda) |
6.5 % |
|
Ödəmə tarixi |
18.08.2026
|
|
Anderrayter |
“PAŞA Kapital İŞ” QSC
|
Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.
Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər. Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda Emitent tərəfindən təklif edilən istiqrazların həcmi 50 faizədək artırıla bilər.
Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.