6 avqust 2025-ci il tarixində ABA-nın nəznində yenidən formalaşmış “Maliyyə və mühasibatlıq” üzrə Ekspert Qrupunun “Zoom proqramı” üzərindən onlayn formatda ilk iclası keçirilmişdir.
İclasda Ekspert Qrupunun fəaliyyət planı və nəzərdə tutulan işlərin icmalı, iqtisadi fəaliyyət kodlarının təsnifatı və digər cari məsələlər müzakirə olunmuşdur.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 2 qeyri-bank kredit təşkilatı, 3 digər təşkilat olmaqla, ümumilikdə 27 təşkilat ABA-nın üzvüdür.