Çərşənbə günü “Facebook”, “WhatsApp”, “Instagram”ın sahibi olan Meta şirkətinin (rəhbəri, amerikalı Mark Zuckerberg) səhmlərinin dəyəri 2023-cü ilin I rübü ilə bağlı hesabatların açıqlanmasından sonra nə az, nə çox düz 12% artıb.
BBN.az CNBC Business nəşrinə istinadən xəbər verir ki, ardıcıl 3 rübdə gəlirlərinin azalmasını elan etdikdən sonra şirkətin qeyd edilən dövrdə qazancı gözlənilməz şəkildə yüksəlib.
- Hər səhmə görə gəlirləri 2.20 dollar təşkil edib, Refinitiv-ə əsasən analitiklər tərəfindən daha öncəki proqnoz isə 2.03 dollar yönündə idi.
- Gəliri 28.65 milyard dollar olub, Refinitiv-ə əsasən analitiklər tərəfindən daha öncəki proqnoz isə 27.65 milyard dollar idi.
- Gündəlik aktiv istifadəçilərin sayı 2.04 milyarddır. StreetAccount-a əsasən isə gözlənti 2.01 milyard nəfər idi.
- Yenə StreetAccount-a əsasən aylıq aktiv istifadəçilərin sayı 2.99 milyarddır, gözlənti isə 2.99 milyard idi.
- StreetAccount-a əsasən hər istifadəçiyə görə orta gəlir 9.62 dollardır, gözlənti isə 9.30 dollar idi.