Mediatorlar üçün keçirilən təlimlərin növbəti mərhələsi başa çatıb

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin, Ədliyyə Nazirliyinin Ədliyyə Akademiyasının və Mediasiya Şurasının mediatorlar üçün birgə təşkil etdiyi maarifləndirmə kurslarının növbəti mərhələsi başa çatıb.

İstehlakçı hüquqlarının müdafiəsinə dair keçirilən təlimdə əsas məqsəd mediatorların bu sahədə bilik və bacarıqlarının artırılması, onların fəaliyyətinin daha effektiv qurulması, məhkəmələrin iş yükünün azaldılması və mübahisələrin qısa müddətdə həllinə nail olunmasıdır.

3 gün davam edən təlimdə Dövlət Xidmətinin mütəxəssisləri tərəfindən istehlakçıların hüquqlarının müdafiəsi mexanizmləri, istehlakçının hüquq və vəzifələri, istehlak bazarına nəzarət tədbirləri, təbii inhisarlara dövlət nəzarəti və s. məsələlər barədə məlumat verilib, iqtisadi mübahisələrin məhkəmədənkənar alternativ həlli üsullarının tətbiqinin önəmi vurğulanıb.

Qeyd edək ki, təlimlər İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Mediasiya Şurası arasında imzalanmış Memoranduma uyğun olaraq həyata keçirilib. Təlimlərdə iştirak edən mediatorlara sertifikat təqdim olunub.

Related posts

Energetika naziri Dünya Bankının Cənubi Qafqaz üzrə regional direktoru ilə görüşüb

Qeyri-neft sektorundan vergi daxilolmaları 13% artıb

Xüsusi Rabitə və İnformasiya Təhlükəsizliyi Dövlət Xidmətində 2024-cü ilin birinci yarısının yekunlarına həsr olunmuş müşavirə keçirilmişdir

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Ətraflı