Paytaxt Berlində Microsoft-un prezidenti Brad Smith Almaniya kansleri Olaf Scholz ilə görüşündən sonra verdiyi açıqlamada, ABŞ şirkətinin Almaniyadakı mövcudluğunu genişləndirmək üçün 2025-ci ilin sonuna qədər təxminən 3,2 milyard avro sərmayə qoymağı planlaşdırdığını söylədi.
BBN.az bu barədə şirkətin prezidenti Bred Smit’in açıqlamsanına istinadən xəbər verir.
Smit, Almaniyanın texnoloji dəyişikliklərdə “daim ön sıralarda” olduğunu vurğulayaraq, “Biz bunu Almaniyaya olan böyük etibarımıza görə edirik” deyə bildirib.
Qeyd olunur ki, bu, “Microsoft”un Almaniyada 40 illik fəaliyyəti tarixində ən böyük birdəfəlik sərmayədir. Buraya 1,2 milyon insana çatmağı hədəfləyən süni intellekt təlim proqramı da daxildir.