Milli İnternet Mükafatı – MilliNet2025 müsabiqəsinə müraciətlər davam edir

Azərbaycanda internet və rəqəmsal sahədə ənənəvi olaraq keçirilən Milli İnternet Mükafatı – MilliNet2025 müsabiqəsinə layihələrin qəbulu davam edir.

Rəqəmsal həllər, veb saytlar, startaplar, mobil tətbiqlər, süni intellekt layihələri, sosial səhifələr, rəqəmsal oyunlar və digər onlayn resurslar bu müsabiqəyə qoşula bilər.

İştirakçılar millinet.az saytında aşağıdakı nominasiyalar üzrə qeydiyyatdan keçə bilərlər:

1. İlin e-ticarət həlli

2. İlin innovativ həlli

3. İlin rəqəmsal sosial resursu

4. İlin rəqəmsal maliyyə həlli

5. İlin rəqəmsal hökumət həlli

6. İlin rəqəmsal təhsil resursu

7. İlin rəqəmsal səhiyyə və sağlamlıq resursu

8. İlin rəqəmsal biznes həlli

9. İlin rəqəmsal marketinq həlli

10. İlin rəqəmsal oyunu

11. İlin informasiya resursu

12. İlin süni intellekt həlli

13. İlin rəqəmsal mədəniyyət və turizm həlli

Müsabiqə iştirakçıları layihələrini tanıtmaq, populyarlaşdırmaq və noutbuk, planşet, telefon kimi qiymətli hədiyyələr qazanmaq imkanı əldə edəcəklər.

Qeydiyyat 15 noyabr tarixinədək davam edir. MilliNet-də iştirak tamamilə ödənişsizdir.

Ətraflı məlumat üçün: www.millinet.az