“Forbes” jurnalı son on ildə milyarderlərinin sayında ən çox artım müşahidə edilən ölkələrin reytinq hesabatını tərtib edib. Hesabata görə, 2010-cu ildən bu vaxta qədər dünya ölkələrində milyarderlərin sayı üç dəfəyə qədər artaraq 2095 nəfərə çatıb. Milyarderlərin xalis sərvəti isə sözügedən dövr ərzində 3.5 trilyon dollardan 8 trilyon dollara qədər artıb. Milyarderlərin sayında ən kəskin artım Asiya qitəsi ölkələrində, xüsusilə Çin, Sinqapur və Hindistanda müşahidə edilib.
Beləliklə, siyahıda birinci yerdə Çin Xalq Respublikası qərarlaşıb. 2010-cu ildə cəmi 64 milyarderə sahib olan Çində hal-hazırda 389 milyarder yaşayır. Bu isə on il ərzində 5 dəfədən çox (508%) artım deməkdir. Dünyada ən çox milyarderə sahib olmasına baxmayaraq, ABŞ sözügedən siyahıda ikinci yerdə qərarlaşıb. Belə ki, son on ildə ölkədə 210 nəfər milyarder statusu qazanıb. Bu isə 52%-ə yaxın artım deməkdir. Almaniya isə milyarderlərin sayında iki dəfədən çox artıma nail olaraq 107 milyarder ilə üçüncü yerdə qərarlaşıb. Siyahının ilk iyirmi ölkəsi isə aşağıdakı kimidir:
| Ölkə | Milyarderlərin sayı (2010) | Milyarderlərin sayı (2020) | Artım (nəfərlə) | Artım (%-lə) |
| Çin | 64 | 389 | 325 | 507.8 |
| ABŞ | 404 | 614 | 210 | 52.0 |
| Almaniya | 52 | 107 | 55 | 105.8 |
| Hindistan | 49 | 102 | 53 | 108.2 |
| Honk Konq | 25 | 66 | 41 | 164.0 |
| Rusiya | 61 | 99 | 38 | 62.3 |
| Braziliya | 18 | 45 | 27 | 150.0 |
| Fransa | 12 | 39 | 27 | 225.0 |
| İsveçrə | 11 | 35 | 24 | 218.2 |
| İtaliya | 13 | 36 | 23 | 176.9 |
| Sinqapur | 4 | 26 | 22 | 550.0 |
| Kanada | 23 | 44 | 21 | 91.3 |
| İsveç | 10 | 31 | 21 | 210.0 |
| Avstraliya | 11 | 31 | 20 | 181.8 |
| Tayvan | 18 | 36 | 18 | 100.0 |
| Cənubi Koreya | 11 | 28 | 17 | 154.5 |
| Tayland | 3 | 20 | 17 | 566.7 |
| Böyük Britaniya | 29 | 45 | 16 | 55.2 |
| Filippin | 2 | 15 | 13 | 650.0 |
| İspaniya | 13 | 24 | 11 | 84.6 |