Neft bazarlarında eniş tendensiyası davam edir.
ABŞ prezidenti Donald Trampın İranla hərbi gərginliyi azaltmaq və planlaşdırılan zərbələri dayandırmaq barədə qərarı, geosiyasi risk mükafatının azalmasına səbəb olaraq qlobal neft qiymətlərində kəskin ucuzlaşmanı şərtləndirib.
Brent markalı neftin qiyməti 89,17 dollara, WTI isə 86,48 dollara enərək həftəlik bazada 4 faizdən çox itki ilə qapanıb. Tramp rəsmi Tehranla danışıqların yüksək səviyyədə irəlilədiyini və sülh sazişinin həftəsonuna qədər imzalanmasının mümkünlüyünü bəyan edib. Bu nikbin xəbərlər ötən həftə İranın Hörmüz boğazını bağlaması ilə yaranan kəskin qorxuları qismən aradan qaldırsa da, Tehran hələ ki, razılaşmanın yekun mətnini təsdiq etməyib. Bazar strateqləri bildirir ki, gərginliyin azalması pozitiv olsa da, boğazın tam açılması və infrastrukturun bərpası kimi texniki maneələr hələ də tam həllini tapmayıb. İnvestorlar hazırda enerji bazarlarında normallaşmanın davam edib-etməyəcəyini müəyyənləşdirmək üçün qarşıdan gələn diplomatik görüşləri yaxından izləyir.