Qlobal neft bazarında qiymətlər yüksəlməkdədir. Səbəb: ABŞ və Çin iqtisadi rəsmilərinin ticarət razılaşmasının əsas prinsiplərini açıqlaması, bununla da dünyada iki böyük neft istehlakçısı arasında ticarət gərginliyinin azalması ehtimalı yaranıb.
Brent markalı neft fyuçersləri 0,7% artaraq 66,40 ABŞ dolları/barel, WTI (West Texas Intermediate) isə 0,75% yüksələrək 61,96 ABŞ dolları/barel səviyyəsinə çatıb. Keçən həftə isə ABŞ və AB-nin Rusiyaya tətbiq etdiyi sanksiyalar fonunda Brent və WTI müvafiq olaraq 8,9% və 7,7% qalxmışdı.
Analitiklər bildirirlər ki, ticarət razılaşması xəbəri qlobal iqtisadi artımın zəifləməsi qorxusunu azaldır və bu da enerji bazarlarında qiymətləri dəstəkləyir.