“Netflix” 2025-ci ilin ikinci rübü üçün maliyyə nəticələrini açıqlayıb.
BBN.az xəbər verir ki, internet televiziya nəhəngi Netflix 2025-ci ilin ikinci rübü üzrə maliyyə göstəricilərini açıqlayıb. Hesabat dövründə şirkətin gəliri ötən ilin eyni rübü ilə müqayisədə 15,9% artaraq 11,1 milyard ABŞ dollarına yüksəlib.
Bu nəticə, əvvəlki proqnozlara əsasən 2024-cü ilin ikinci rübündə 9,6 milyard dollar gəlir gözlənildiyi halda, faktiki artımın proqnozları üstələdiyini göstərir.
Şirkət qeyd edib ki, gəlirdəki artım əsasən abunəçi sayının çoxalması, abunə qiymətlərinin artırılması və reklam gəlirlərindəki yüksəlişlə əlaqədardır.
Netflix rəhbərliyi növbəti rüb üçün gəlirin 11,5 milyard dollara çatacağını proqnozlaşdırır.
2025-ci ilin ikinci rübündə şirkətin xalis mənfəəti 45% artaraq 3,1 milyard dollara yüksəlib. Müqayisə üçün qeyd edək ki, bu göstərici 2024-cü ilin eyni dövrü üçün 2,1 milyard dollar səviyyəsində proqnozlaşdırılmışdı.
Səhm üzrə qazanc da artım nümayiş etdirib – 2024-cü ilin ikinci rübündə 4,88 dollar olan bu göstərici hazırda 7,19 dollar təşkil edir.
Qeyd olunmalıdır ki, şirkət bu ilin birinci rübündə olduğu kimi ikinci rübdə də abunəçi sayını açıqlamayıb. Bununla belə, Netflix sonuncu dəfə ötən ilin son rübündə abunəçi sayının 18,9 milyon nəfər artdığını bəyan etmişdi.