Yaponiya mərkəzli beynəlxalq avtomobil istehsalçısı “Nissan” Yaponiya banklarından 500 milyard yen (4.6 milyard dollar) həcmində maliyyə vəsaiti cəlb etmək istəyir. Bu addımın əsas səbəbi kimi isə, koronavirus pandemiyası səbəbindən avtomobil satışlarında müşahidə edilən səngimələr və bu səngimələr səbəbindən likvidlik ehtiyatlarında yaranan problemlər göstərilib. Son olaraq şirkət 2019-cu ilin dekabr ayında 1.4 trilyon yen məbləğində likvidlik ehtiyatları qaldığını açıqlamışdı.
“Nikkei” xəbər agentliyinə verilən məlumata görə, bu barədə şirkətin dünən keçirilən idarə heyəti görüşündə qərar verilib və ilkin olaraq “Mizuho Bank”a müraciət edilib.
Qeyd edək ki, “Nissan” şirkətinin hal-hazırda Avropa və Şimali Amerikada yerləşən bütün zavodlarında istehsal dayandırılıb.