Avropa Statistika İdarəsi (Eurostat) Avrozona və Avropa İttifaqının (Aİ) oktyabr ayı üzrə yekun inflyasiya məlumatlarını dərc edib.
BBN.az xəbər verir ki, Avrozonada sentyabrda 1,7 faiz olan illik inflyasiya oktyabrda 2 faizə yüksəlib. Oktyabr ayında CPI aylıq bazda 0,3 faiz olub.
Oktyabr ayında Avrozonada illik inflyasiyanın 2 faiz, aylıq inflyasiyanın isə 0,3 faiz olacağı bazar gözləntiləri idi.
Avrozonada baza inflyasiyası oktyabrda illik 2,7 faiz, aylıq isə 0,2 faiz səviyyəsində ölçülüb.
Beləliklə, Avrozonada inflyasiya səviyyəsi oktyabrda Avropa Mərkəzi Bankının (AMB) 2 faiz hədəfinə çatdı.
Aİ-də sentyabrda 2,1 faiz olan illik inflyasiya oktyabrda 2,3 faizə yüksəlib.
Aİ-yə uyğun məlumatlara görə, oktyabr ayında illik inflyasiya ən yüksək olan ölkələr 5 faiz ilə Rumıniya, 4,5 ilə faiz Belçika və Estoniya, 4,2 faiz ilə Polşa olub.
Oktyabrda illik inflyasiya Almaniyada 2,4 faiz, Fransada 1,6 faiz, İtaliyada 1 faiz, İspaniyada isə 1,8 faiz müəyyən edilib.