2024-cü ilin yekunlarına əsasən, Neft İxrac Edən Ölkələr Təşkilatına (OPEC) üzv dövlətlərin xammal satışından əldə etdiyi ümumi gəlir 2023-cü illə müqayisədə 3,86 faiz azalaraq 651,99 milyard dollara düşüb.
BBN.az xəbər verir ki, bu barədə TASS məlumat yayıb.
Hazırda OPEC-ə 12 ölkə daxildir: Əlcəzair, Venesuela, Qabon, İraq, İran, Konqo, Küveyt, Liviya, Birləşmiş Ərəb Əmirlikləri (BƏƏ), Nigeriya, Ekvatorial Qvineya və Səudiyyə Ərəbistanı.
2024-cü ildə ən çox gəlir itkisi Səudiyyə Ərəbistanında qeydə alınıb — ölkənin neft satışından əldə etdiyi gəlir 9,71 faiz azalaraq 223,37 milyard dollara düşüb.
Əksinə, Venesuela və İranın gəlirlərində əhəmiyyətli artım müşahidə olunub. Venesuelanın neft ixracından əldə etdiyi gəlir 40,37 faiz artaraq 18,37 milyard dollara, İranın gəliri isə 13,73 faiz artaraq 46,78 milyard dollara çatıb.
ABŞ-ın tətbiq etdiyi sanksiyalar bu ölkələrin gəlirlərini artırmasına mane ola bilməyib.