PAŞA Sığorta Bakı Sağlamlıq Mərkəzinin tibb işçilərini medal və təşəkkürnamələrlə təltif etdi.
Azərbaycan xalqının ümummilli lideri Heydər Əliyevin 4 iyun 2001-ci il tarixli Sərəncamı ilə Azərbaycan Respublikasının sosial inkişafı sahəsində tibb işçilərinin böyük xidmətlərini və Azərbaycan Xalq Cümhuriyyətinin ilk Səhiyyə Nazirliyinin 1918-ci il iyunun 17-də yaradılmasını nəzərə alaraq, hər il iyun ayının 17-i Azərbaycan Respublikası tibb işçilərinin peşə bayramı günü kimi qeyd olunur.
PAŞA Sığorta şirkətinin nümayəndələri səhiyyə işçilərinin peşə bayramı münasibətilə təltif etmək və bu çətin zamanda gecə-gündüz, bayram-tətil demədən öz həyatını fəda edərək xalqımızın sağlam olması üçün əllərindən gələni əsirgəməməyən tibb işçilərinə təşəkkür etmək məqsədi ilə Bakı Sağlamlıq Mərkəzinin tibbi heyəti ilə görüş keçirib. BSM-də də böyük bir tibbi heyət koronavirusla mübarizəyə səfərbər olunmuşdur.
Görüş müddətində tibbi mərkəzinin rəhbərliyi və məsul şəxslər çıxış edərək, olduqca çətin keçən bu dövr ərzindəki xidməti çətinlikləri barədə məlumat veriblər. Tədbirin gedişatında tibbi heyətə şirkət tərəfindən öz əvəzsiz xidmətlərinə görə sertifikat, medal, eləcə də xatirə hədiyyələri təqdim edilmişdir.
Görüş zamanı tibb mərkəzinin Baş həkimi Elxan Hacıyev çıxış edərək klinikadakı cari vəziyyətdən söz açıb. O, çıxışı zamanı həkimliyin nəcib bir peşə olduğunu qeyd edərək, bu peşənin insanların sağlamlığının keşiyində durmasında birbaşa rolu olan, onlara ömür bəxş edərək yaşatmaq hissini aşılayan şərəfli və müqəddəs bir vəzifə olduğunu vurğulayıb. Baş həkim, həmçinin, bütün dünyada yeni yayılmış koronavirus (COVID-19) pandemiyasının tüğyan etdiyini qeyd edib və bildirib ki, bu infeksiya ilə mübarizədə əsas yük məhz həkimlərin çiyninə düşür. O,
Daha sonra, tədbirdə söz “PAŞA Sığorta” şirkətinin Marketinq və İctimaiyyətlə Əlaqələr departamentinin rəhbəri Nuranə Teymurovaya verilib. Şirkətin nümayəndəsi bildirib ki, respublikamızda son illər ərzində tibb müəssisələrinin maddi-texniki bazasının gücləndirilməsi, yeni kadrların yetişdirilməsində geniş miqyaslı tədbirlər həyata keçirilib. Bu da öz növbəsində səhiyyəmizin dünya standartları üzrə inkişafına zəmin yaradıb. Daha sonra şirkət nümayəndəsi PAŞA Sığorta şirkətinin həkimlərimizə verdiyi dəstəkdən danışıb və bildirib ki, PAŞA Sığorta şirkəti həkimlərimizin fədakarlığını hər zaman yüksək qiymətləndirir və bütün vəziyyətlərdə onlara dəstək olmağa hər zaman tam hazırdır. Tədbirin sonunda N.Teymurova əvəzsiz xidmətlərinə görə tibb işçilərini medallarla təltif edərək onlara dərin minnətdarlığını bildirib.
Qeyd etmək istərdik ki, hazırda qeyri həyat sığorta bazarının lideri olan PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan “PAŞA Sığorta” 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.