Qara Dəniz Ticarət və İnkişaf Bankı (QDTİB) “SOCAR Trading”ə ayırdığı maliyyələşmə 2026-cı il etibarilə artıq 70 milyon dollara çatıb.
BBN.az xəbər verir ki, bu barədə SOCAR Trading-in Qlobal Biznesin İnkişafı üzrə rəhbəri Tofiq Köçərli Qara Dəniz Ticarət və İnkişaf Bankının (QDTİB) Rəhbərlər Şurasının 28-ci İllik Toplantıları çərçivəsində təşkil olunan Biznes Forumunda bildirib.
“2020, 2022 və 2026-cı illərdə bazarlarda baş verən kəskin qiymət dəyişiklikləri nəticəsində bir çox şirkətlər ciddi çətinliklərlə üzləşdi. Belə şəraitdə Qara Dəniz Ticarət və İnkişaf Bankı kimi maliyyə institutları ilə əməkdaşlıq bu problemlərin aradan qaldırılmasının əsas yollarından biridir. Hazırda “SOCAR Trading” 40-dan çox bankla əməkdaşlıq edir və milyardlarla dollar həcmində ticarət və strukturlaşdırılmış maliyyələşmə xətlərinə malikdir”.