“Sosial şəbəkə platformalarının bir çoxu istifadəçilər üçün məxfilik parametrləri təklif edir. Bu sizin fərdi məlumatlarınızı, paylaşımlarınızı və onlayn fəaliyyətlərinizi kimin görə biləcəyini ehtiva edir. Buna görə də bütün sosial şəbəkə hesablarınızda məxfilik parametrlərinə nəzər yetirməli, kibertəhlükəsizliyiniz üçün fərdi məlumatlarınızın kim tərəfindən əlçatan olub-olmadığı barədə tənzimləmələr etməlisiniz”.
BBN.az xəbər verir ki, bu haqda Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin (ETX) məlumatında bildirilib.
“Unutmayın ki, tanımadığınız şəxslər üçün fərdi məlumatlarınızın əlçatan olması kibertəhlükəsizliyiniz üçün ciddi təhlükə yarada bilər”, – deyə məlumatda qeyd edilib.