Yaponiyanın avtomobil nəhəngi “Subaru Corp” tamamilə elektriklə işləyən ilk avtomobilini təqdim edib. Solterra adlanan bu elektromobil digər bir yapon şirkəti “Toyota Motor Corp” ilə əməkdaşlıq çərçivəsində istehsal edilib.
“Subaru” şirkətinin rəsmisi açıqlamasına əsasən, elektromobilin istehsalında ləngimənin əsas səbəbi kimi xüsusi mühərrikin istehsalı göstərilib. “Subaru” avtomobilləri dünyada mühərriklərinin gücünə görə fərqləndiyindən, bu istehsal faktoru üzərində xüsusi işlər görülüb. İlkin olaraq, Yaponiyada istehsalı planlaşdırılan “Solterra” modelinin daha sonra ABŞ bazarına yönləndirilməyi gözlənilir.”Solterra” modeli bir dolum ilə 460 kilometrə qədər məsafə qət edə biləcək.
Digər tərəfdən isə, bu istehsal nəticəsində “Toyota” şirkətinin “Subaru” ilə yaxınlaşması müsbət nəticə verib. Belə ki, “Subaru”nun 20%-inə, “Mazda” şirkətinin isə 5%-lik səhminə malik olan “Toyota” Yaponiya bazarında liderliyini möhkəmləndirib.