İspaniyanın ən böyük holdinqlərindən olan “Santander Group” holdinqinin törəmə qurumu olan “Santander Bank” yeni innovativ layihəyə imza atıb. Belə ki, bank İspaniya, Portuqaliya və Polşada “One Card” adı altında təkrar emaldan əldə edilən materiallardan hazırlanan “dayanıqlı” ödəniş kartlarını ictimaiyyətə təqdim edib.
Debit və kredit kartları olaraq təsnifləndirilən bu kartlar funksiya baxımından digərlərindən fərqlənməsə də, bu kartların istehsal prosesində daha az enerjidən istifadə edildiyindən, karbon qazı emissiyasının illik 1000 tona qədər azaldılmasına şərait yaradır.
Boston mərkəzli “Santander Bank” “One Card” layihəsinə cari ilin mart ayında start verib. 2025-ci ilədək bankın İspaniya, Polşa, Portuqaliya və Birləşmiş Krallıqdakı bütün ödəniş kartlarının “dayanıqlı” kartlarla əvəz edilməsi planlaşdırılıb.