Çinin texnologiya nəhəngi “Tencent Holdings” blokçeyn tendensiyasının ölkəyə inteqrasiyasını sürətləndirmək məqsədilə akselerasiya proqramına başlayıb. Belə ki, akselerasiya proqramına qəbul edilən 30 şirkətə mentorluq xidmətləri ilə yanaşı, “Tencent” şirkətinin blokçeyn platformasına çıxış imkanı da təklif ediləcək.
“Tencent” şirkəti veb-səhifəsində proqrama müraciət üçün ayrılan müddətin iyunun altısına qədər davam edəcəyini göstərib. Proqrama blokçeyn sahəsində uzun müddətdir fəaliyyət göstərən köklü şirkətlər ilə yanaşı, yeni yaranan startapların da müraciət imkanı var. Seçilən 30 şirkət üçün il ərzində 4 mentorluq görüşü, eləcə də platformaya bir illik ödənişsiz çıxış imkanı təmin ediləcək.