11 mart 2024-cü il tarixində Azərbaycan Banklar Assosiasiyasının (ABA) nəzdində fəaliyyət göstərən “Ticarətin və layihələrin maliyyələşdirilməsi üzrə Ekspert Qrupu”nun növbəti onlayn iclası keçirilmişdir.
Onlayn iclasın gündəliyinə 2023-cü il üzrə üzv bankların nəticələri (əsasən Trade Finance aid olan nəticələr) barədə məlumatlandırma; ticarətin və layihələrin maliyyələşdirilməsi sahəsində gündəlik problem və məsələlərin müzakirəsi; ticarətin və layihələrin maliyyələşdirilməsi sahəsində innovativ yeniliklərin təklifi; növbəti görüşün vaxtını və formatını razılaşdırmaq daxil olmuşdur.
Əlavə edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 23 bank və 2 qeyri-bank kredit təşkilatı, 4 digər təşkilat olmaqla, ümumilikdə 29 təşkilat ABA-nın üzvüdür.
