ABŞ Prezidenti Donald Tramp Kanadadan idxal olunan bir sıra məhsullara tətbiq edilən tariflərin artırılacağını açıqlayıb.
BBN.az xəbər verir ki, Trampın sözlərinə görə, 2027-ci il yanvarın 1-dən Kanada istehsalı olan avtomobillər, yük maşınları, avtomobil hissələri və polad məhsullarına tətbiq edilən tariflər 50%-dək yüksəldiləcək.
ABŞ Prezidenti bildirib ki, yeni tariflər yalnız ABŞ-a idxal olunan məhsullara şamil ediləcək. Hazırda Kanadadan idxal edilən minik və yük avtomobillərinə tətbiq olunan rüsum 25% təşkil edir.
Kanadanın Baş naziri Mark Karni isə ABŞ-ın yeni tariflərinə “dollara dollar” prinsipi ilə cavab veriləcəyini açıqlayıb. Məlumata görə, Kanadanın cavab tarifləri 8 sentyabrdan qüvvəyə minəcək.
Yeni qərarın iki ölkə arasında onsuz da gərgin olan ticarət münasibətlərini daha da kəskinləşdirəcəyi və Şimali Amerika avtomobil sənayesində istehsal xərclərinin artmasına səbəb ola biləcəyi gözlənilir.