Qlobal neft bazarlarında gərginlik yenidən artır. ABŞ prezidenti Donald Trampın İrana qarşı sərt xəbərdarlığı və bölgədəki atəşkəs prosesinə dair risklər neft qiymətlərinin artım tempini qorumasına səbəb olub.
İnvestorlar Yaxın Şərqdəki geosiyasi qeyri-müəyyənliyin tədarük zəncirinə təsirini yaxından izləyir. Brent markalı neftin qiyməti Trampın bəyanatlarından sonra öz mövqelərini möhkəmləndirib. Ekspertlər qeyd edirlər ki, ABŞ-ın gələcək sanksiya siyasəti və İranın cavab addımları enerji bazarında yeni dalğalanmalara yol aça bilər. Hazırda bazar iştirakçıları həm makroiqtisadi göstəricilərə, həm də Vaşinqtondan gələn siyasi siqnallara fokuslanıb.